Cymryd Rhan
08
Clybiau newydd sbon a roddodd gyfle i fechgyn yn eu harddegau gwrdd ag enwogion, ennill gwobrau a mwynhau gweithgareddau lu!
Cymunedau’n Darllen
Trefnodd trefi y Barri a Llanelli amrywiaeth eang o ddigwyddiadau sy’n seiliedig ar lyfrau yn ystod yr haf a’r hydref.
Cliciwch yma i gael rhagor o fanylion am Gymunedau’n Darllen 2008.
Wythnos Llyfr yn Anrheg
Bu sêr, enwogion a phobl ym mhob cwr o Gymru yn rhoi llyfrau’n anrhegion i’w gilydd yn ystod yr wythnos arbennig hon ym mis Gorffennaf!
Themâu Misol
Medi – Fy llyfrau a fi
Plant Saesneg
Stories of Welsh Life - Right Answer, The
O’r gyfres Stories of Welsh Life y daw’r hanes anarferol hwn am ymfudwyr o Gymru yn chwilio am fywyd gwell ym Mhatagonia. Agwedd newydd ar thema hunaniaeth – a chyflwyniad i ran ddifyr iawn o hanes Cymru. Addas i ddarllenwyr annibynnol.
Cadi - Here Comes Cadi
Yn yr achos hwn, gallech droi’n gath! Mae Cadi’n byw mewn pentref ger y môr, ac ar ei phrowlan dyddiol mae’n cwrdd ag amrywiaeth eang o bobl gyffredin sy’n byw ac yn gweithio yng Nghymru. Testun syml (gyda rhai geiriau Cymraeg) a geir yma, felly mae’n ddewis da i ddarllenwyr ifanc.
Gift for Saint David's Day, A
Casgliad o straeon, dramâu a cherddi i ddathlu bywyd ein nawddsant. Llawer o ddeongliadau newydd o hen straeon, gyda chyfoeth o ddarluniau cyffrous gan artistiaid dawnus o Gymru. Anrheg o lyfr, yn wir, gyda siaced lwch go iawn hefyd!
We Children of Wales
Dathliad o fywydau plant o bob rhan o Gymru, gyda gwybodaeth fywgraffyddol, cyfeiriadaeth ddaearyddol a diwylliannol, a chasgliad o ffotograffau trawiadol o fywyd teuluol a nodweddion plentyndod.
Weather Dress, The
Chi yw eich dillad yn y llyfr lluniau anarferol hwn! Ar ôl canfod rhywbeth ar ddamwain ar stondin ddillad ail-law yng Nghas-gwent, mae bywyd yr arwres ifanc yn newid yn llwyr wrth iddi ddod wyneb yn wyneb â phwerau da a drwg.
Compass Series - Hello Gary Longlegs!
Lleoliad y gyfrol hon yn y gyfres ddaearyddol yw Eisteddfod Gerddorol Gydwladol Llangollen. Mae’n lliwgar, yn swnllyd ac mae’n sicr yn rhoi blas ar yr hyn sy’n digwydd mewn Eisteddfod!
Artworks On...Series: Communication
Rhagor o ddeongliadau o amrywiaeth eang o bynciau artistig sy’n unigryw i Gymru. Llond gwlad o syniadau gwych am weithgareddau cysylltiedig.
Move Over, Rover
Mae pawb angen cydnabyddiaeth – a bod yn falch o bwy ydyn nhw. Mae’n cymryd sbel i Rover y ci ddarganfod hyn, ond mae’n deall yn y pen draw, fel y gwna ei berchennog, a’r darllenydd hefyd! Lluniau lliwgar yn null hwyliog Jac Jones.
Welsh and Proud of It
Casgliad o storïau byrion ar gyfer darllenwyr yn eu harddegau – mae pob un yn ymwneud â byw yng Nghymru, ac yn profi bod ein synnwyr o hunaniaeth yn gyfoethog ac yn amrywiol, lle bynnag yr ydym yn byw. Ac mae’n mynd i’r afael ag ystrydebau!
Pont Hoppers - Barti and Bel Whizz Around Wales
Mae’r ddau gymeriad clwt yn ymweld â llond gwlad o lefydd ‘go iawn’ yng Nghymru. Mae ffotograffau o leoliadau enwog yn gefndir i’w hodlau a’u dillad gwirion. Trysor o lyfr ar gyfer y cyfnod Sylfaen.
