Cymryd Rhan
08
Clybiau newydd sbon a roddodd gyfle i fechgyn yn eu harddegau gwrdd ag enwogion, ennill gwobrau a mwynhau gweithgareddau lu!
Cymunedau’n Darllen
Trefnodd trefi y Barri a Llanelli amrywiaeth eang o ddigwyddiadau sy’n seiliedig ar lyfrau yn ystod yr haf a’r hydref.
Cliciwch yma i gael rhagor o fanylion am Gymunedau’n Darllen 2008.
Wythnos Llyfr yn Anrheg
Bu sêr, enwogion a phobl ym mhob cwr o Gymru yn rhoi llyfrau’n anrhegion i’w gilydd yn ystod yr wythnos arbennig hon ym mis Gorffennaf!
Themâu Misol
Tachwedd – Sgriptiau’r sgrîn
Oedolion Cymraeg
Llafur Cariad
Nofel rymus am gariad a thorcalon, gwrthdaro a llwgrwobrwyo gwleidyddol yng Nghymru yn ystod yr 1980au a'r 1990au, yn seiliedig ar y gyfres deledu Llafur Cariad ar S4C.
Y Stafell Ddirgel
Argraffiad newydd o nofel boblogaidd a gyhoeddwyd gyntaf ym 1969, yn portreadu ymdrechion Crynwyr ardal Dolgellau i addoli yn ôl eu dymuniad, a'u penderfyniad i hwylio i'r Amerig a bywyd newydd.
O Drelew i Dre-fach
Argraffiad o 'Nel Fach y Bwcs' a'r dilyniant 'Ffarwél Archentina' gan Marged Lloyd Jones, yn cynnwys lluniau o Batagonia. Ceir hanes y ferch a hwyliodd i'r Wladfa ym 1870 ac a dreuliodd ei blynyddoedd cynnar yno, ac yn y diweddariad hwn ceir cyfle o'r newydd i olrhain yr hanes rhyfeddol hwn.
Y Graith
Diweddariad gan ei merch, Catrin Puw Davies, o'r nofel a enillodd i'r awdures Fedal Ryddiaith Eisteddfod Genedlaethol Caerdydd 1938; nofel yw hi am ferch ifanc ar droad y ganrif yn ymgodymu ag amgylchiadau o dlodi a chreulondeb teuluol.
Blwyddyn Fawr Glyn Wise
Cyfrol sy'n adrodd hanes Glyn Wise, bachgen 18 oed o Flaenau Ffestiniog a gafodd ei dderbyn i fod yn ymgeisydd ar 'Big Brother' yn 2006. Caiff ei gofio am fod yn ddiddanwr naturiol, yn gogydd anobeithiol ac yn Gymro balch a ddaeth â'r iaith Gymraeg i sylw cynulleidfa gwbl newydd. Dyma fwrw golwg ar y modd y gwireddodd ei freuddwyd a chael enwogrwydd.
Amdani!
Nofel fywiog, hwyliog yn adrodd hanes tîm rygbi merched Tre-ddôl. Cyhoeddwyd gyntaf ym mis Gorffennaf 1997.
Martha, Jac a Sianco
Nofel gref yn adrodd hanes dau frawd a chwaer oedrannus sy'n cael eu carcharu gan amgylchiadau teuluol, a chan galedi bywyd ar fferm yng nghefn gwlad de-orllewin Cymru, gan awdures ifanc ddawnus. Enillydd Gwobr Llyfr y Flwyddyn 2005. Cyhoeddwyd yn wreiddiol yn Nhachwedd 2004.
