Cymryd Rhan
08
Clybiau newydd sbon a roddodd gyfle i fechgyn yn eu harddegau gwrdd ag enwogion, ennill gwobrau a mwynhau gweithgareddau lu!
Cymunedau’n Darllen
Trefnodd trefi y Barri a Llanelli amrywiaeth eang o ddigwyddiadau sy’n seiliedig ar lyfrau yn ystod yr haf a’r hydref.
Cliciwch yma i gael rhagor o fanylion am Gymunedau’n Darllen 2008.
Wythnos Llyfr yn Anrheg
Bu sêr, enwogion a phobl ym mhob cwr o Gymru yn rhoi llyfrau’n anrhegion i’w gilydd yn ystod yr wythnos arbennig hon ym mis Gorffennaf!
Themâu Misol
Rhagfyr – Y dyfodol ar ddu a gwyn
Oedolion Cymraeg
Gwe o Gelwyddau
Nofel gyfoes, gyffrous sy'n llawn cynllwyn, sbin a dychan. Ond o dan yr wyneb mae 'na un thema gyson - brwydr ingol merch ifanc i ddod i delerau â gorffennol tywyll sy'n bygwth chwalu'i dyfodol hi ac eraill o'i chwmpas.
Talu'r Pris
Nofel afaelgar wedi ei lleoli yng Nghymru 2082, lle caiff y gwrthryfelwr Iolo ab Maredudd - sy'n chwilio am fywyd tawel wedi brwydrau llawn delfrydau ei ieuenctid - ei lusgo i fyd cynllwyn a llygredd llywodraethau milwrol, arbrofion gwyddonol genynnol a chymdeithasau tanddaearol.
Seren Wen ar Gefndir Gwyn
Nofel sy'n defnyddio delweddau o fytholeg Geltaidd gyda chefndir Pan-Ewropeaidd iddi, a ddisgrifiwyd fel gwaith 'awdur digamsyniol ei ddawn a rhyfeddol ei gamp', gan un o'r beirniaid. Enillydd y Fedal Ryddiaith yn Eisteddfod Genedlaethol 1992. Cyhoeddwyd yn gyntaf ym 1992.
Bitsh!
Cyfrol arobryn cystadleuaeth Gwobr Goffa Daniel Owen Eisteddfod Genedlaethol Tyddewi 2002, sef nofel am fachgen ifanc o'r 1960au yn olrhain dryswch ei fywyd trwy gyfrwng cyfres o ffeiliau cyfrifiadurol yn cofnodi digwyddiadau a arweiniodd at ei gwymp, yn arbennig ei berthynas â merched. Cyhoeddwyd gyntaf ym mis Awst 2002.
O'r Harbwr Gwag i'r Cefnfor Gwyn
Ailargraffiad o gyfrol arobryn Medal Ryddiaith Eisteddfod Genedlaethol 1994, nofel serch ffantasïol yn dilyn ymchwil yr arwr am ei gariad yn wyneb nifer o anawsterau. Cyhoeddwyd gyntaf yn 1994.
Sibrydion o Andromeda
Nofel ddifyr yn cynnwys elfennau ffuglen wyddonol. Mae Dafydd Gruffydd yn cael profiad o weld creadur arall-fydol. Mae'n rhaid i Dafydd osgoi'r awdurdodau er mwyn darganfod y gyfrinach fawr a'r gwirionedd brawychus am sefyllfa'r blaned.
Wythnos yng Nghymru Fydd
Argraffiad newydd o glasur Islwyn Ffowc Elis sy'n sôn am Gymru fel y gallai fod yn y flwyddyn 2033. Mae'n dathlu hanner canmlwyddiant ers cyhoeddi'r nofel. Cynhwysir rhagair newydd gan y newyddiadurwr a'r llenor Dylan Iorwerth yn ogystal â chlawr newydd.
Melog
Nofel arbrofol, ddychanol a digrif am hynt a helynt perthynas anghonfensiynol rhwng dau gymeriad gwahanol iawn, Melog a Dr Jones.
Blodyn Tatws
Cyfrol arobryn y Fedal Ryddiaith yn Eisteddfod Genedlaethol Bro Ogwr 1998, stori ddychmygus odiaeth wedi ei gosod ym myd dyfeisgar cyfrifiaduron a sglodion meicro yr unfed ganrif ar hugain, yn cynnwys elfennau cryf o hiwmor a dychan.
Igam Ogam
Pan gaiff Tomos Ap alwad ffôn gan ei dad mabwysiedig yn ei alw adref, mae'n amau mai cynllwyn yw'r cyfan i'w orfodi i gymryd gofal o'r fferm deuluol. Ond gyda Natur ei hun yn ceisio prynu'r lle, mae ganddo fwy na dipio defaid i boeni amdano. Nofel arobryn Gwobr Goffa Daniel Owen yn Eisteddfod Genedlaethol Cymru, Caerdydd a'r Cylch 2008.
